Id-Diskors Parlamentari ta’ Davina Sammut Hili

ONE.COM.MT • Il-Grupp Parlamentari Laburista għażel lid-Deputata Davina Sammut Hili biex tokkupa l-kariga Parlamentari ta’ Deputy Whip. Id-deċiżjoni ttieħdet f’laqgħa tal-Grupp Parlamentari wara li, il-ġimgħa li għaddiet, id-Deputata Naomi Cachia bdiet tokkupa l-kariga ta’ Whip. Id-Deputata Sammut Hili, li ġiet eletta fl-aħħar elezzjoni ġenerali, issa se tkun qed tokkupa dan l-irwol Parlamentari billi tassisti lil Cachia fil-kordinazzjoni tal-Grupp fl-ogħla istituzzjoni tal-pajjiż. F’kumment lil ONE News, hi rringrazzjat lill-Prim Ministru Robert Abela u lill-Whip Naomi Cachia għan-nomina tagħhom u saħqet li se tkompli tħares ’il quddiem għal aktar ħidma pożittiva fil-Parlament li ssarraf f’aktar ġid nazzjonali. DAVINA SAMMUT HILI DEPUTY WHIP TAL-GVERN “Din hija l-ewwel esperjenza tiegħi Parlamentari kif inhi warakollox l-ewwel esperjenza tiegħi issa bħala Deputy Whip. Inħares ’il quddiem għal aktar ħidma b’impenn u nwiegħed ukoll il-lealtà tiegħi. Bil-ħatra tal-lum, bħala Deputy Whip, kif ukoll il-ħatra tal-ġimgħa l-oħra tal-Whip Naomi Cachia, tkompli turi kemm il-Partit Laburista għandu fiduċja fina n-nisa kif ukoll fiż-żgħażagħ.”